Саха сирэ 2020 сылга «Саамай ааҕар эрэгийиэн» үрдүк аатын ылбыта. Оттон билигин «Тотальнай дьыктаан-2021» киининэн буолары ситистибит.
Бу биһиги сомоҕолоһуулаахпытын, түмсүүлээхпитин уонна сайдыыга дьулуурдаахпытын туоһулуур. Түмүктүүр түһүмэххэ Дьокуускай инники күөҥҥэ күүстээхтик киирдэ. Ити далааһыннаах тэрээһин тапталлаах Сахабыт сиригэр ыытылларыгар бэлэммитин көрдөрдө.
Кэнники сэттэ сылга Саха сиригэр дьыктааҥҥа 8000 кэриҥэ киһи кыттыбыта бэлиэтэммитэ. Маныаха билиигэ-көрүүгэ, бэйэни тургутууга холонооччута, бу эппиэтинэстээх тэрээһини сэргээн, сэҥээрэн кыттааччыта үксээн иһэрэ бэлиэтэммитэ. Саха сирин бары олохтоохторо, өссө күүскэ турунан, өссө кыһаллан суруйан, чахчы да тобуллаҕас толкуйдаах, мындыр өйдөөх дьонноох-сэргэлээх Саха сирэ дэтиэҕиҥ.
Уус Алдан улууһунааҕы кииннэммит бибилэтиэкэ тиһигин кэлэктиибэ