Дьол, үөрүү биһигэ Дьокуускай
А.С.Николаевка
Хахсааттаах Өлүөнэм биэрэгэр
Хорсун дьон куората Дьокуускай
Балысхан сайдыыбыт кэмигэр
Байым тутуулара баараҕай –
Дьол, үөрүү биһигэ Дьокуускай
Дьоһуннаах кэскилэ чаҕылхай,
Тыллар ньургуһуннуу тоҥ буортан
Тырымнас уотунан сандааран…
Улуу Россия араас омуга
Уйгу быйаҥ баайдаах дойдуга
Убай, быраат курдук олорор,
Улахан соругу толорор –
Дьол, үөрүү биһигэ Дьокуускай
Дьоһуннаах кэскилэ чаҕылхай,
Тыллар ньургуһуннуу тоҥ буортан
Тырымнас уотунан сандааран…
Олорбут өбүгэбит таптаан
Омоҕой, Эллэй, Тыгын сахтан
Туймаада сирин туругурда,
Тулуурун, дьоҕурун барҕарда –
Дьол, үөрүү биһигэ Дьокуускай
Дьоһуннаах кэскилэ чаҕылхай,
Тыллар ньургуһуннуу тоҥ буортан
Тырымнас уотунан сандааран…
Үлэни, үөрэҕи баһылаан
Үүнэн-үксээн, чэчирии сайдан
Кэллибит кыайыылаах-хотуулаах
Кэхтибэт-сорсуйбат соргулаах –
Дьол, үөрүү биһигэ Дьокуускай
Дьоһуннаах кэскилэ чаҕылхай,
Тыллар ньургуһуннуу тоҥ буортан
Тырымнас уотунан сандааран!
Александр Тарасов, Горнай