Дьокуускайга панель дьиэни тутар собуоту тутуохтара. Билигин собуот бырайыагын оҥоруутугар үлэ саҕаламмыт.
Бу собуоту тутууга 11,7 гаалаах сир бэриллибит. Бу туһунан эрэгийиэннээҕи тутуу министиэристибэтигэр иһитиннэрбиттэр. Балаҕан ыйын 5 күнүгэр Илиҥҥи экэнэмиичэскэй пуорумҥа Уһук Илини уонна Арктиканы сайыннарыы Корпорациятын кытта сөбүлэҥнэр түһэрсиллибиттэр. Биир сүрүн сөбүлэҥинэн 860 мөлүйүөннээх панель эркиннээх улахан дьиэлэри тутар собуоту тутуу буолар.
«Бырайыагы олоххо киллэрэргэ Дьокуускайга 11,7 гаалаах сир бэрилиннэ. Билигин манна бырайыак үлэлэрэ ыытылла тураллар. Тутуу 2023 сылтан саҕаланыаҕа”, — диэн министиэристибэҕэ иһитиннэрбиттэр.
Бырайыак 105 үлэ миэстэтин таһаарар чинчилээх. Собуот оҥорон таһаарыытын кыаҕа – cылга 50 тыһыынча кв.м иэннээх дьиэлэри тутуу буолар. Инникитин бу кыаҕы өссө 100 тыһыынча кв.м иэҥҥэ улаатыннарыыга көрөллөр.
Ульяна ЗАХАРОВА.