Кулун тутар 26 күнүгэр «Muus uSTAR» бэстибээл иһинэн «Доҕордоһуу маршрута» диэн этно-квест оонньуу буолуоҕа. Тэрээһин Дьокуускайга А.Е.Кулаковскай аатынан Норуоттар доҕордоһууларын дьиэтигэр 10 чаастан саҕаланыаҕа.
«Саҥа билсиилэр киһиэхэ сайдарыгар төһүү күүс буолаллар, оттон омук гражданнарын кытта билсии-көрсүү, кэпсэтии-ипсэтии өссө үгүһү биэрэр. Биһиги Ыччат ассамблеябыт хамаандата сомоҕолоһуу үтүө дьыалаларга тиэрдэрин билэбит», — диэн Норуоттар ассамблеяларын бэрэссэдээтэлэ Нурудин Нурудинов этэр.
Этно-квест «Muus uSTAR» бэстибээл кыттааччыларын Саха сиригэр олорор норуоттар култуураларын, үгэстэрин, фольклордарын кытта билиһиннэрэр сыаллаах ыытыллар. Манна хас биирдии кыттааччы маршрутнай илиис ылан, тиэмэлэринэн араарыллыбыт ыстаансыйаларга сылдьыаҕа. Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.