Дьокуускайга арыгыны атыылыыр маҕаһыыннарга миэрэ кытаатта

Ааптар: 
Бөлөххө киир:

Дьокуускай куорат баһылыга Евгений Григорьев арыгыны атыылыыр маҕаһыыннар туһунан балаһыанньаны кыттаатыннарар уураахха илии баттаата. Бу туһунан кини «Телеграмҥа» иһитиннэрдэ.

— Өрөспүүбүлүкэтээҕи уонна федеральнай биэдэмэстибилэри кытта ырытыылаах үлэ кэнниттэн, уһун уустук үлэ түмүгүнэн, Дьокуускайга арыгыны атыылааһыҥҥа көҥүллэнэр сир тэйэр устатын туһунан уураахха илии баттаатым. Сыл кэриэтэ социальнай эбийиэктэртэн арыгыны кутар, атыылыыр тэрилтэлэри ас маҕаһыыннарыттан тэйитэр туһугар үлэлээтибит. Мантан ыла итинник эбийиэктэр оскуолалартан кырата 300 миэтирэ тэйиччи, оҕо уһуйааннарыттан, успуорт, култуура, мэдиссиинэ эбийиэктэриттэн 200 миэтирэ тэйиччи турар буолуохтара. Ол аата эбии 100 миэтирэ тэйиттибит. Элбэх кыбартыыралаах дьиэлэртэн — 50 миэтирэ. Бу миэрэ биир сүрүн уларыйыыта – эрдэ тэйиитиини хардыынан ааҕар эбит буоллахпытына, мантан ыла атыы туочукатыттан эргимтэ иэнинэн ааҕыллыаҕа. Куорат 500-тэн тахса социальнай эбийиэктэрэ арыгы атыылыыр сирдэртэн тэйиччи туруохтара.

Куорат салайааччыта “ылыллыбыт уураах эрдэтээҥҥи балаһыанньанан үлэлиир тэрилтэлэри таарыйбат, кинилэр лицензиялара уһатыллыан сөп” диэн чопчулаата. Ол эрээри, саҥа алкомаркеттар, кутар сирдэр элбээбэттэрин туһугар бу улахан хардыы буолуоҕа диэн эбэн эттэ.

СИА хаартыската.

+1
0
+1
0
+1
0
+1
0
+1
0
+1
0
+1
0