Бу күннэргэ Өлүөнэ өрүскэ ардах уута эбиллэн, уу таһыма үрдээбитэ бэлиэтэнэр. От ыйын 20-21 күннэригэр 530-550 см үрдүүрэ күүтүллэр. Ити көрдөрүү нуорматтан 0,3-0,5 миэтэрэнэн үрдүк.
От ыйын 19 күнүгэр Табаҕа аннынан уу таһыма нуорманы 6 см ааһан, 756 см тэҥнэспитэ. Оттон Дьокуускайга уу 510 см үрдээбитэ. Уу куорат пляһын уонна намыһах сиргэ турар ходуһалары ылбыт.
«Уу таһымын саамай улахан көрдөрүүтэ Витим уонна Өлүөхүмэ өрүстэргэ бэлиэтэннэ. От ыйын 21 күнүгэр Хаҥалас уонна Дьокуускай аннынан уу таһыма муҥутуур чыпчаалга тахсыа», -диэн Дьокуускай инженер-гидролога Ирина Лещенко бэлиэтээтэ.
От ыйын 22 күнүттэн уу түһэн барыаҕа.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1