Биир ый устатыгар, ол эбэтэр тохсунньу 23 күнүттэн олунньу 23 күнүгэр диэри кэмҥэ, киин куоракка полицейскайдар түөкүннээһини сэрэтэр тэрээһиннэри ыыталлар.
Вера МАКАРОВА, «Саха сирэ» хаһыат, https://edersaas.ru/
Сулууспаларын ирдэбилинэн, суһал миэрэлэри ылалларын таһынан, участковай боломуочунайдар дьоҥҥо аадырыстарынан сылдьан саҕалаатылар. Дьиэлэринэн оннук сылдьан, түөкүннэр ханнык ньымалары тутталларын быһааран кэпсииллэр, кинилэр угаайыларыгар киирэн биэрбэт туһуттан тугу гынар наадалааҕын сүбэлииллэр.
Ордук чуолаан, аҕам саастаах дьоҥҥо болҕомтолорун ууруохтара. Түөкүннэр сиэртибэлэринэн, сүрүннээн, бу араҥа буоларынан, кинилэргэ тугун-ханныгын барытын сиһилии быһааран биэрэллэр.
Маны таһынан, полицейскайдар административнай сокуону кэһэн кэтэбилгэ сылдьар, хаайыыттан буруйдарын боруостуур болдьохторун иннинэ (УДО) босхолонон тахсыбыт дьоҥҥо итиэннэ хаайыыттан тахсан баран, дойдуларыгар барбакка, Дьокуускай куоракка «сөҥөн» хаалбыт гражданнарга элбэхтик сылдьыахтара.
Вера МАКАРОВА, «Саха сирэ» хаһыат, https://edersaas.ru/
Хаартыска: Дьокуускай полициятын пресс-сулууспата.