Дьокуускайга тыа хаһаайыстыбатын оҥорон таһаарар бородууксуйатын элбэтэр сорук турда

Ааптар: 
Бөлөххө киир:

Бу күннэргэ киин куоракка «Якутск 4.0.0 Старт» диэн сайдыы бары хайысхаларыгар туһуламмыт пуорум буола турар.

Бэҕэһээ тыа хаһаайыстыбатын салаатын сайыннарыы тула кэпсэтии буолла. Манна тыа хаһаайыстыбатын  сирдэрин көдьүүстээхтик туһаныы, оскуола оҕотун аһын тупсарыы курдук боппуруостары сиһилии ырыттылар. Бу иннинэ Ил Дархан Айсен Николаев дьон уйгулаах олоҕун тупсарар инниттэн ас-үөл туруктаах буолуутун боппуруоһун быһаарыыга  Дьокуускайга агропуойаһы сайыннарыы тирээн турарын бэлиэтээбитэ уонна кэккэ соругу туруорбута.

Сүрүн сорук — олохтоох оҥорон таһаарыыны өйөөһүн. Сааҥсыйа кэмигэр бу боппуруос өссө сытыырхайда уонна дьоһуннаах хардыылары оҥорорго туһаайда, — диэн санаа атастаһыытын кэмигэр пуорумҥа санаатын тиэртэ вице-премьер Михаил Никифоров.

Онон тэрээһин кыттыылаахтара тыа хаһаайыстыбатын аһы-үөлү оҥорон таһаарар аччыгый уонна орто биисинэскэ үлэлиир урбаанньыттарга «күөх уоту  уматыы» көрүҥнэрин дьүүллэстилэр, агоропромышленнай комплекска сыыппара технологиятын киллэриини, оптово-розничнай тарҕатар кииннэри тэрийиини  дьүүллэстилэр. Ол эбэтэр тыа хаһаайыстыбатын салаатыгар 2032 сылга аһы-үөлү элбэтэр  50 аччыгый уонна орто  биисинэскэ үлэлиир саҥа үлэ миэстэтин таһаарар тэрилтэлэр сайдан,  тахсыахтаахтар.

Елена ПОТОЦКАЯ, «Саха сирэ» хаһыат. 

Хаартыска — СИА.

+1
0
+1
0
+1
0
+1
0
+1
0
+1
0
+1
0