Үгүс тэрилтэлэр коронавирус дьаҥын тарҕаппат инниттэн, изоляцияланыы эрэсиимигэр олорор дьоҥҥо табыгастаах өҥөнү тэрийэргэ кыһаллаллар.
edersaas.ru
«Техническэскэй учуот уонна техническэй инвентаризация өрөспүүбүлүкэтээҕи киинэ» судаарыстыбаннай унитарнай тэрилтэ киин аппараата муус устар 21 күнүттэн Дьокускай куоракка сир учаастагын топографическай устууга сайаапканы ыраахтан эрэсииминэн ылар буолла.
Онуоха сайаапканы тустаах былаанкаҕа толорон, gu_rcti@mail.ru электроннай почтанан биитэр «Инвентаризацияҕа онлайн-сайаапка» (4-с пуун) сайтка, биитэр http://rctiykt.ru/online-zayavka-na-inventarizaciyu/ сыылканан ыытыахха сөп. Төлөбүрэ икки ньыманан оҥоһуллар: 1. QR-коду туһанан — хамыыһыйа бааныттан эбэтэр төлөбүр ситимиттэн тутулуктанан, төлөммүт суумма 2-10 %-на буолар;
2. Сыылканан Сбербаан сирэйигэр киирэн — ханнык баҕарар баан картатыттан төлөнөр, хамыыһыйа ылыллыбат. Чиэк электроннай почтанан ыытыллар.
Сайаапка былаанката http://rctiykt.ru/services/blanki-zayavleniy/ баар. Бу туһунан «Техническэскэй учуот уонна техническэй инвентаризация өрөспүүбүлүкэтээҕи киинэ» ГУТ пресс-сулууспата иһитиннэрэр.
Раиса Сибирякова, «Саха сирэ» хаһыат, edersaas.ru