Маны аах Нацбырайыактар

Дьокуускайга Таалай күөлү тупсарыы түмүктэннэ

Таалай күөл тулата төһө тупсубутуй? Ону хайдах оҥорбуттарый?

Дьокуускайга Таалай күөл тулатынааҕы сири-уоту тупсарыы түмүктэннэ. Маны “Дьиэ-уот уонна куорат эйгэтэ” нацбырайыак “Куорат тупсаҕай эйгэтэ” эрэгийиэн бырайыагын чэрчитинэн оҥордулар, диэн СИА иһитиннэрэр.

Күөл тула сатыы киһи хаамар суоллара, оҥочону уонна катамараннары уларсыы, күөх зонаҕа – олорор ыскамыайкалар уонна архитектруа дьоҕус көрүҥнэрэ бааллар. Күөл таһыгар собоҕо анаммыт пааматынньыгы төттөрү аҕаллылар. Саха сирин кылаабынай архитектора Ирина Алексеева этэринэн, бүгүн Таалай күөл сирэ-уота өрөспүүбүлүкэ саамай бастыҥ сиринэн буолла.

“Икки сыл устата бырайыагы силигин ситэрдибит. Билигин бу сир-уот олус табыгастаах, күөх зонатын оннунан хааллардыбыт. Зонаҕа архитектура дьоҕус көрүҥнэрэ турдулар. Онон биһиги куоракка олорор ыскамыайкалар, урналар хайдах туруоруллуохтаахтарын көрдөрдүбүт”, — диэн бэлиэтээтэ Ирина Алексеева.

Урбаанньыттарга аналлаах былаһааккалар баар буолуохтара.

Санатан эттэххэ, Таалай күөлүн тупсаҕай оҥоруу – кыттыгас бырайыактааһын уонна краудфандинг ньымаларын туһанан оҥоһуллубут бастакы бырайыак. Бырайыакка уопсайа 131 074 171,65 солк. туһанылынна: федеральнай бүддьүөттэн — 123 039 310,85 солк., өрөспүүбүлүкэттэн — 8 034 860,80 солк.

Таалай күөл Дьокуускай хабайар ортотугар турар эрээри, кытыла оҥоһуута суох буолан, дьон сылдьар эрэ суола этэ. Бастакы түһүмэх чэрчитинэн Дьокуускай куорат дьаһалтата күөлү туоруур муостаны тупсаҕай оҥорбута. Салгыы тупсаҕай оҥорууну куорат дьаһалтатын уонна өрөспүүбүлүкэ архитектуратын икки ардыгар түһэрсиллибит сөбүлэһиигэ олоҕуран ыыппыттара.

Сахаговтан

Бэлэмнээтэ Женни Стрюкова

Хаартыска: саайтан

0
0