Туймаада хочотугар Дьокуускайдааҕы епархия сыл ахсын тэрийэн ыытар «Үтүө санаа киинэтэ» бэстибээл саҕаланна. Тэрээһин икки күн буолар.
Күүтүүлээх тэрээһини үөрүүлээхтик арыйыы духуобунай семинария улахан саалатыгар буолла. Быйылгы бэстибээлгэ РФ үтүөлээх артыыһа Ольга Кабо, РФ норуодунай артыыһа Валерий Баринов, киинэ режиссера уонна продюсера Рамиль Сабитов, ырыаһыт уонна актриса Анна Аверина, ырыаһыт уонна режиссер Анна Яновская кэлбиттэр. Тэрээһин сыала-соруга — дьон-сэргэ өйүгэр-санаатыгар үчүгэйи, кэрэни иҥэрэр, олоҕу, киһини сыаналыы үөрэтэр киинэлэри көрдөрүү.
Онон бу күннэргэ Евгений Татаров «Ничей», Аркадий Мамонтов «Монах», кырачааннарга «Божий дар» мульткиинэ, о.д.а. көрдөрүллүөхтэрэ. Ону сэргэ Анна Аверина, Рамиль Сабитов кыттыылаах «От вальса до танго» кэнсиэр буолуоҕа. Арассыыйа биллиилээх артыыстара тэрээһиннэргэ кытталларын сэргэ, Дьокуускай олохтоохторун, устудьуоннары кытары көрсөн ирэ-хоро сэһэргэһиэхтэрэ, ыйытыыларга хоруйдуохтара.
Биһиги корр., «Саха сирэ» хаһыат, edersaas.ru
Андрей Сорокин хаартыскаҕа түһэриитэ