Дьокуускайга түөрт киһи уокка былдьанна

Ааптар: 
Бөлөххө киир:

Бэҕэһээ, сэтинньи 28 күнүн киэһэтигэр, киин куорат Пионерскай уулуссатыгар (17-с кыбартаалга) икки этээстээх мас дьиэҕэ баһаар буолбутун туһунан иһитиннэрии «01» нүөмэргэ киирбит. 

edersaas.ru

РФ Ыксаллаах быһыыга-майгыга министиэристибэтин Саха сиринээҕи управлениета иһитиннэрбитинэн, баһаарынайдар 5 мүнүүтэнэн тиийиилэригэр, — 25 кв.м. иэннээх кыбартыыра бүтүннүү уокка былдьаммыт. Баһаары умулларыыга 45 баһаарынай уонна 10 массыына кыттыбыт.

Хомойуох иһин, бу баһаарга түөрт эр киһи былдьаммытын туһунан иһитиннэрэллэр. Бу чахчынан силиэстийэ уорганнара процессуальнай бэрэбиэркэ ыыталлар. Ол түмүгүнэн, холуобунай дьыала тэриллиэҕэ.

Санатар буоллахха, соторутааҕыта эрэ, сэтинньи 20 күнүгэр, Дьокуускай куорат Каландаришвили уулуссатыгар турар таас дьиэтигэр эмиэ киһи өлүүлээх баһаар буолбута. Ол баһаарга икки оҕо — 12 саастаах уол уонна 5 саастаах кыыс былдьаммыттара… Сабаҕалааһын быһыытынан, ол быһылааҥҥа уот турбут сүрүн төрүөтүнэн ситэ умуллубатах сигарета буолбута. Бу чахчынан сэрэҕэ суохтан икки киһини өлүүгэ тиэрдии бэлиэтэ баарынан холуобунай дьыала тэриллэн силиэстийэлэнэр.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0