Дьокуускайга 20 сылаас тохтобулларга хамсыгы утарар санитарнай ирдэбиллэри төһө сөпкө тутуһалларын бэрэбиэркэлээтилэр.
edersaas.ru
Мэрия пресс-сулууспата иһитиннэрэринэн, тохтобуллар үгүстэрэ сөптөөх миэрэлэри ылыммыттар, ол эрэн, биэс нуорманы кэһии түгэнэ бэлиэтэммиттэр.
“Гагаринскай уокурукка үс сылаас тохтобулларга дезинфекционнай эрэсиим кэһиллииилэрэ баара булуллубут. Сайсары уокуругар «Горпечать” арендалыыр тохтобула санитарнай нуормаларга толору эппиэттээбэт, ону таһынан бу объекка автобус сырыытын көрдөрөр таблица үлэлээбэт. Строительнай уокурукка “Архыып” тохтобул сабыллан турар” — диэн быһаарыы түмүккэ суруллубут.
Строительнай уокурук дьаһалтатын салайааччы Савва Михайлов этэринэн, “Архыып” тохтобулун арендалыыр тэрилтэ уларыйыытыттан сабыллыбыт, сотору кэминэн үлэтин салҕыахтаах.
Билигин Дьокуускайга 32 сылаас тохтобул үлэлиир. Санитарнай ирдэбиллэри толорууну бэрэбиэркэлиир үлэлэр бара тураллар.
Хаартыска https://news.ykt.ru
«Саха сирэ» хаһыат, edersaas.ru