Маны аах Уопсастыба

Дьокуускайга сыл бүтүөр диэри сылаас тохтобуллар үлэлиэхтэрэ

2021 сыл бүтүөр диэри Дьокуускайга 14 сылаас тохтобул «Якутскэнерго» ситимигэр холбонон үлэтин саҕалыаҕа диэн Дьокуускай куорат дьаһалтатын пресс-сулууспата иһитиннэрэр.

Бүгүҥҥү күҥҥэ «Воинскай уулусса», «Олох-дьаһах департаменын», «Тыа хаһаайыстыбатын тиэхиньикумун», «Кыайыы болуоссатын», «Силуэт», Хабаров уулуссатыгар баар «Алмазэргиэнбаан» тохтобуллар арыллыбыттар.

Мерзлотнай уулуссаҕа баар «Ирбэт тоҥу үөрэтэр институт», Кальвица уулуссатыгар баар «10-с №-дээх оскуола», Стадухин уулуссатыгар баар «Областной балыыһа», Сэбиэскэй Аармыйа 50 сылын уулуссатыгар баар «Авиагруппа», Алымов уулуссатыгар баар «Маҕаһыын», Маҕанныыр тракка баар «Аэропуорт», Центральнай уулуссаҕа баар «Агрогородок», Хатас Каландаришвили уулуссатыгар баар «Балыыһа» сылаас тохтобуллара ахсынньы 23 күнүгэр үлэлээн саҕалыахтара.

Оттон ахсынньы 31 күнүгэр диэри Можайскай уулуссатыгар баар «Гагарин искибиэрэ», Дзержинскэй уулуссатыгар баар «Успуорт оскуолата», Семен Данилов уулуссатыгар баар «Новинка», Можайскай уулуссатыгар баар «Новопортвской», Курнатовскай уулуссатыгар баар «Курнатовскай», Кулаковскай уулуссатыгар баар «Аммосов искибиэрэ» сылаас тохтобуллар үлэлиэхтэрэ.

Дьокуускай баһылыга Евгений Григорьев бу сыл олунньутугар сылаас тохтобуллары туруорар туһунан быһаарыныыны ылыммыта, онон былааҥҥа 200 тохтобул киирбитэ. Бу тохтобуллар киин куорат туһатыгар өрөспүүбүлүкэтээҕи бүддьүөттэн көрүллэн олоххо киирдилэр.

Кэлэр сылларга маннык тохтобул ахсаана сүүскэ тиийиэхтээх диэн былаан баар.

Дьокуускай куорат дьаһалтатын пресс-сулууспата.

0
0
Telegram @edersaas20