Дьокуускайга — суол өрөмүөнэ

Ааптар: 
Бөлөххө киир:

Дьокуускайга суол өрөмүөнэ «Куттала суох уонна хаачыстыбалаах суоллар» национальнай бырайыак иитинэн ыытыллалларын туһунан куорат дьаһалтатын уопсастыбаннаһы уонна иһитиннэрэр-биллэрэр маассабай сириэстибэлэри кытары хардарыта сибээстээх үлэҕэ департамент иһитиннэрэр.

«Главстрой» МКУ иһитиннэрбитинэн, от ыйын 27 күнүнээҕи туругунан, эргэ Покровскайдыыр суолга, Клара Цеткин, Нагорнай, Марха түөлбэтигэр Олег Кошевой, Николаев уулуссаларыгар, Табаҕаҕа элбэх оҕолоох ыаллар түөлбэлэригэр, Окружной шоссеҕа аспааллааһын үлэтэ ыытыллар.

«Инвестдорстрой» ХЭУо бэдэрээттээх тэрилтэ Халтурин уулуссатын тупсарар (сатыы сылдьар дьон тротуардарын, хаймыыларын оҥорор, тротуары бүрүйэр, о.д.а.). Мархаҕа Советскай уулуссаҕа сырдатыы үлэтэ, о.д.а. ыытыллар. Иван Кульбертинов уулуссатыгар, Объезднойга, Табаҕаҕа элбэх оҕолоох ыаллар түөлбэлэригэр киирэр суолга үлэлэр салҕаналлар.  Оттон суол оҥоһуутугар Кутузов, Рыдзинскай, Хатыҥ Үрэххэ Христофор Максимов уулуссатыгар, Ойуунускай, Тускул микрооройуоҥҥа Иосиф Николаев уулуссатыгар бэлэмнэнэллэр.

Уулусса-суол ситимин 11 эбийиэккэ оҥороллор — Широких-Полянскай, Шевченко, Луговой, Студенческай Птицефабрика микрооройуонугар, 26 партсийиэс уонна Молодежнай Кангаласс микрооройуонугар, Кыайыы 40 сыла Маҕаҥҥа, Каландаришвили Хатаска, Пляжнай, Набережнай уонна Совхознай Пригороднайга.

Кыраапыгынан Жуковскай, Авиатордар, Пилоттар, Покрышкин уонна Тэкки Одулок уулуссаларыгар суол үлэлэрэ атырдьах ыйыттан саҕаланаллар. Оттон Мархаҕа Заводской уонна Интернациональнай уулуссаларга өрөмүөн балаҕан ыйыттан саҕаланар.

Дьокуускайга суолу оҥорууга хапытаалынай өрөмүөн, өрөмүөн, саҥалыы уларытан оҥоруу уонна суолу тутуу үлэлэрин 8 бэдэрээттээх тэрилтэ толорор: «Автодор» АУо, «Инвестдорстрой», «Дорстрой» ХЭУо, «Дорисс» ПАУо, ДРСУ «Сэттэ» ХЭУо, «Сельдорстрой», «Туймаада», «Альянс – 2005» ХЭУо.

Дьокуускай куорат сиригэр-уотугар суолу саҥалыы уларытан оҥоруу, хапытаалынай өрөмүөн уонна өрөмүөннээһин былааныгар 2021 сылга 59 км тахса усталаах 77 эбийиэк киллэриллибитэ. Бу Дьокуускай куорат суолун тутуутугар уонна өрөмүөнүгэр сабардамынан устуоруйаҕа киирэр рекорд.

Дьокуускайга «Куттала суох уонна хаачыстыбалаах суоллар» национальнай бырайыагы олоххо киллэриигэ биэс сылга, 2019 сылтан 2024 сылга диэри, куорат суолун 85 % нуорумаҕа эппиэттиир курдук оҥоһуллуохтаах.

+1
0
+1
0
+1
0
+1
0
+1
0
+1
0
+1
0