Сэтинньи 30 күнүгэр Дьокуускай куоракка “Россия – моя история” историческай пааркаҕа “Стартап Экспедиция” бырайыактарын сүүмэрдиир түһүмэҕэ ыытыллыаҕа.
edersaas.ru
Бу тэрээһин Саха сиригэр аан бастакытын ыытыллар. Ол курдук “Сколково” пуондатын? РФ Арктиканы уонна Уһук Илини сайыннарыы министиэристибэтин, Үрдүкү технологиялар Уһук Илиннээҕи пуондаларын өйөбүлүнэн СӨ бырабыыталыстыбата тэрийэн ыытар. Бырайыак үлэтин Уһук Илиҥҥи экэнэмиичэскэй пуорум кэмигэр бу күһүн саҕалаабыта.
СӨ Инновацияҕа, цифровой сайдыыга уонна инфокоммуникационнай технологияларга министиэристибэтин пресс-сулууспата иһитиннэрбитинэн, эрэгийиэннээҕи сүүмэрдиир түһүмэххэ күрэстэһэр кыахтаах, урбаан, IT эйгэ, экэниэмикэ сайдыытыгар кылааттарын киллэрэр кыахтаах бырайыактары талыахтара.
«Стартап Экспедиция» эспиэрдэринэн Үрдүкү технологиялар Уһук Илиннээҕи пуондалара, СӨ Инновационнай сайдыыларын пуондата, СӨ Инновацияҕа, цифровой сайдыыга уонна инфокоммуникационнай технологияларга министиэристибэтэ, Саха сирин IT паарката, “Якутия” технопаарка уонна да атыттар буолаллар.
Уһук Илин уокуругар эрэгийиэннээҕи түһүмэхтэр Владивостокка, Хабаровскайга, Благовещенскайга, Биробиджаҥҥа, Улан Удэҕа, Петропавловскайдааҕы Камчаткаҕа, Читаҕа, Анадырьга уонна Южно-Сахалинскайга ыытыллан, уопсайа 550 киһи кыттыбыт. Бүгүҥҥү туругунан 12 эрэгийиэннээҕи кыайыылаахтар быһаарыллан, түмүктүүр түһүмэххэ кыттыахтара. Кыайыылаах эһиил ыам ыйыгар Москваҕа ыытыллар Startup Village тэрээһиҥҥэ барар чиэскэ тиксиэҕэ.
Онон сүүмэрдиир түһүмэххэ кыттыан баҕалаахтар startupexpedition.ru/yakutsk ссылканан киирэр регистрацияланыҥ.
edersaas.ru