Дьокуускайга стартап-бырайыак куонкуруһун бастакы түһүмэҕэ ыытыллыаҕа
26.02.2019
Арассыыйа уонна СНГ биир бастыҥ бырайыага — Innovation Startup Tour куонкурус эрэгийиэннээҕи түһүмэҕэ Дьокуускайга кулун тутар 5-6 күннэригэр ыытыллыаҕа. Бу туһунан бүгүн Инновация, цифровой сайдыы уонна инфокоммуникационнай технологиялар миниистирэ Анатолий Семенов пресс-кэмпириэнсийэҕэ иһитиннэрдэ.
Бу куонкуруһу «Сколково» пуонда уонна «Сколково» хампаанньа тохсус төгүлүн тэрийэн ыыталлар. Уһук Илин эрэгийиэннээҕи түһүмэҕэ Дьокуускайга ыытыллыаҕа. Манна үс хайысханан 170 бырайыак сайаапкаласпыт: информационнай технологиялар, медицинаҕа уонна тыа хаһаайыстыбатыгар биотехнологияны туһаныы, индустриальнай уонна энергетическэй технологиялар. Бастыҥнар 300 тыһ. солк. уонна Startup Village норуоттар икки ардыларынааҕы кэмпириэнсийэҕэ кыттарга путевканан наҕараадаланыахтара.
«Бу куонкуруһу биһиги үһүс төгүлүн ыытабыт. Саха сирин бырайыактарын таһынан Москва, Владивосток, Комсомольск-на-Амуре уо.д.а. куораттартан кэлэн кыттыахтара», — диэн миниистир Анатолий Семенов бэлиэтиир.
СИА.
+1
+1
+1
+1
+1
+1
+1