Дьокуускайга сэрии бэтэрээннэрэ таксинан босхо айанныыллар

Ааптар: 
Бөлөххө киир:

Аҕа дойду Улуу сэриитин бэтэрээннэригэр таксинан сырыы босхо буолла. Маннык бырагырааманы «Биһиги Кыайыыбыт» кэмитиэт РФ Сыыппараҕа министиэристибэтин кытта көҕүлээтэ. Бырагыраама 2022 сыл бүтүөр диэри үлэлиэҕэ.

«Таксины туох баҕар сыаллаах туһаныахха сөп. Бэтэрээни кытта кини билэр дьоно, аймахтара аргыстаһан айанныахтарын сөп», – диэн РФ Сыыппараҕа министиэристибэтэ иһитиннэрэр. Босхо өҥөнөн сэрии инбэлииттэрэ, Аҕа дойду Улуу сэриитин кыттыылаахтара, Аҕа дойду Улуу сэриитин бүтэһик ыҥырыыларыгар сулууспалаахтар, ону тэҥэ Аҕа дойду Улуу сэриитин кэмигэр салгынынан көмүскээһиҥҥэ үлэлээбиттэр туһаныахтарын сөп.

Өҥөнү туһанар туһуттан бэтэрээҥҥэ сыһыарыллыбыт социальнай үлэһиттэн эбэтэр туһааннаах сайаапканы оҥорор нүөмэргэ эрийэн ыйытыахха сөп. Социальнай үлэһит нүөмэрэ суох буоллаҕына, Дьокуускай куорат бэтэрээннэрин дьыалаларын отделын кытта сибээстэһиҥ: 42-40-69.

Бырагыраама ыам ыйын 6 күнүттэн Москва уобалаһыгар уонна дойду атын эрэгийиэннэрин 42 куоратыгар үлэлиир.

+1
0
+1
0
+1
0
+1
0
+1
0
+1
0
+1
0