Дьокуускайга салайар хампаанньа административнай эппиэтинэскэ тардылынна

Бөлөххө киир:

Дьокуускай куорат дьаһалтатыгар элбэх кыбартыыралаах «Гармония» комплекс олохтоохторо бөх кэмигэр хомуллубатаҕын иһин үҥсүү түһэрбиттэр.

Бэҕэһээ, куорат дьаһалтатын баһылыгын хаһаайыстыба боппуруостарыгар солбуйааччыта Егор Кардашевскай субуотатааҕы рейдэтин кэмигэр «Гармония” комплексы бэрэбиэркэлээтэ. Ярославскай уулуссатын 48 уонна 48/1 аадырыска  бөх олус  элбээн, таһынан баран ыһылла-тоҕулла сытарыгар түбэспит. Куораты ыраастык тутуу быраабылатын кэспит «Утум» салайар хампаанньаҕа административнай боротокуол оҥоһуллуоҕа. Административнай ыстараап юридическэй сирэйгэ 50 тыһыынчаттан 500 тыһыынчаҕа тиийэ буолуон сөп.

Ульяна ЗАХАРОВА, edersaas.ru

+1
0
+1
0
+1
0
+1
0
+1
0
+1
0
+1
0