Сүрүн

Дьокуускайга саҥа анал баһаарынай-быыһыыр чаас аһылынна

Үөрүүлээх тэрээһиҥҥэ РФ ЫБММ миниистирэ  Евгений Зиничев уонна Ил Дархан   Айсен Николаев кытыннылар

 

Баһаарынай-быыһыыр чааһы тутуу ЫБММ быһаарыытынан 2018 сылтан саҕаламмыт.  РФ ыксаллаах быһыыга-майгыга миниистирэ Евгений Зиничев Саха сирин олохтоохторун саҥа анал баһаарынай-быыһыыр чаас аһыллыбытынан эҕэрдэлээтэ.

«Саҥа тутуу Арассыыйаҕа баһаарынай сулууспа күнэ буолаары турдаҕына аһыллыбыта икки бүк үөрүүлээх.  Бу чаас Дьокуускай куоракка эрэ буолбакка, өрөспүүбүлүкэҕэ эмиэ үлэлиэҕэ», —  диэн Зиничев бэлиэтээн эттэ.

Миниистир тутааччыларга хаачыстыбалаах үлэлэрин иһин махтанна. Маны таһынан СӨ бырабыыталыстыбатыгар уонна Ил Дархан Айсен Николаевка эмиэ махталын тириэртэ.

СӨ Ил Дарханын уонна Бырабыыталыстыбатын пресс-сулууспата

0
0