Бу өрөбүллэргэ, ол эбэтэр балаҕан ыйын 25-26 күннэригэр, киин куоракка Тыа хаһаайыстыбатын министиэристибэтин уонна куорат дьаһалтатын тэрийиилэринэн, «Ас-үөл – 2021» дьаарбаҥка ыытыллыаҕа.
Бэйэлэрин бородууксуйаларын Амма, Булуҥ, Мэҥэ Хаҥалас, Нам, Таатта, Уус Алдан, Усуйаана, Хаҥалас улуустарын хаһаайыстыбалара уонна Дьокускай куорат хампаанньалара, барыта 60-ча табаары оҥорооччу бэйэлэрин бородууксуйаларын аҕаланнар атыылыахтара.
Тыа хаһаайыстыбатын миниистирэ Александр Атласов бэлиэтээн этэринэн, быйылгы дьаарбаҥка коронавирус дьаҥынан сибээстээн, саҥа киэбинэн тэриллиэҕэ. Ол эбэтэр, санитарнай-сэрэтэр ирдэбил толору тутуһуллар итиэннэ элбэх киһи мустуутун таһаарбат сыалтан, үс былаһаакканан буолар:
– «Кыра баһаарга» (Киров уулусса 12/1, «Кырдьаҕас куорат»);
– Арктикатааҕы судаарыстыбаннай агротехнологическай университет иннигэр (Сэргэлээх шоссетын 3-с км, 3);
– Ю.А.Гагарин аатынан Култуура уонна аныгы ускуустуба киинин былаһааккатыгар (Можайскай уулусса 25).
Ким интэриэһиргээбит «Якутские продукты» кэпэрэтииптэн 8914-236-08-78 сураһыан сөп.
Раиса Сибирякова, «Саха сирэ», edersaas.ru