Дьокуускайга «Родничок» уһуйаан оҕолоро ыһыахтаатылар

Ааптар: 
Бөлөххө киир:

Бэс ыйын саҥатыгар  Дьокуускай куорат «Родничок» муниципальнай оҕо саадыгар (сэбиэдиссэй Д. Р. Винокурова)  ыһыах олус тэрээһиннээхтик ыытылынна.

Ыһыах оҕо саадын тэлгэһэтин иһигэр буолла. Түһүлгэлэринэн сахалыы астаах остуол, оҕолор, иитээччилэр бары сахалыы таҥныбыттара ыһыах суолтатын күүһүрдэн биэрдэ. Ыһыах оҕо саадыгар 2017 сылтан ыытыллыбакка турбут. Ыһыах биир ураты суолтатынан алгысчыт кэлэн аал уотун оттон Айыылартан, сирдээҕи үтүө иччилэртэн үтүөнү, доруобайаны көрдөстө. Оҕолор ийэ дойдуларыгар бэриниилээх, кэскиллээх үлэһит буола улааталларыгар үтүө санаатынан амалыйда.


Күрэхтэр олус үрдүк таһымнаахтык ыытыллан, бары сүргэлэрэ көтөҕүллэн, кыайыылаахтар наҕараадаланнылар. Туйгун түһүлгэ аатын «Сулусчаан» иккис алын бөлөх уонна «Чөмчүүк» улахаттар бөлөхтөрө  бастакы, «Сказка» орто  бөлөх, «Семицветик» улахаттар бөлөхтөрө  иккис, «Радуга» орто бөлөх», «Семицветик» улахаттар  бөлөхтөрө  үһүс миэстэни ыллылар. Иэрэгэй, Кириэс тэбиитигэр, мас тардыһыытыгар оҕолор күрэхтэһэн, кыайыылаахтар үс бириистээх миэстэҕэ тигистилэр. Уһун суһуохтаахтар күрэхтэрэ эмиэ улахан болҕомтону тарта.
Бу оҕо саадыгар сахалыы, нууччалыы тыллаах  бөлөхтөр  бааллар. Үчүгэйэ диэн, ыһыах тэрээһинигэр оҕолор олус көхтөөхтүк кыттыбыттарын бэлиэтии көрдүм.

Марта Николаева

+1
0
+1
0
+1
0
+1
0
+1
0
+1
0
+1
0