Дьокуускайга РФ доруобуйатын харыстабылын министиэристибэтин кардиолога кэллэ
Саха сиригэр бу күннэргэ доруобуйа харыстабылын салаатыгар араас тэрээһиннэр ыытыллыахтара.
Ол иһигэр, Дьокуускайга сарсын Сүрэх-тымыр киинэ үөрүүлээх быһыыга-майгыга аһыллыаҕа.
edersaas.ru
Ыҥырыылаах ыалдьыттартан биирдэстэрэ — мэдиссиинискэй наука доктора, бэрэпиэссэр, РНА академига, Е.И.Чазов аатынан НМИЦК генеральнай дириэктэрэ, Киин, Урал, Сибиир уонна Уһук Илин уокуруктарыгар Арассыыйа Доруобуйа харыстабылын министиэристибэтин штаты таһынан кылаабынай кардиолог-исписэлииһэ Сергей Бойцов кэллэ.
Сергей Анатольевич Дьокуускайга сырыытын өрөспүүбүлүкэтээҕи сүрэх-тымыр кииниттэн саҕалаата.
Көрсүһүүгэ Сүрэх-тымыр киинин былааннарын, инники кэскилин дьүүллэстилэр.
Өрөспүүбүлүкэтээҕи 1 №-дээх балыыһа-Мэдиссиинэ национальнай киинин генеральнай дириэктэрэ Станислав Жирков саҥа киин өрөспүүбүлүкэҕэ сүрүн методологическай уонна сүрүннүүр киин буолуохтааҕын, хас биирдии ыарыһахха тустаах болҕомто уонна кыһамньы ууруллуохтааҕын бэлиэтээтэ.
Надежда ЕГОРОВА, «Саха сирэ», edersaas.ru