Дьокуускайга үөрэх управлениетын салайааччыта ананна

Бөлөххө киир:

Киин куорат үөрэҕин управлениетын начальнигынан педагогическай наука кандидата, юрист, филолог Мария Петрова ананна.

Мария Петровна үөрэх эйгэтигэр 25 сыл үлэлээн кэллэ. 2015 сылтан “Юные якутяне” өрөспүүбүлүкэтээҕи ресурснай киин дириэктэринэн үлэлээбитэ. Кини салалтатынан эбии үөрэхтээһиҥҥэ федеральнай бырайыактары олоххо киллэрии барбыта. Оҕону сайыннарыыга өрөспүүбүлүкэҕэ бастакы “Кванториум” эмиэ кини үлэлиир кэмигэр аһыллыбыта. Өрөспүүбүлүкэҕэ эбии үөрэхтээһин сылын, дойдуга бэриниилээх буолууга иитии концепцияларын, ыччаты, оҕонуу иитии уопсай былаанын оҥорсубута.

2019 сылтан Ф.И.Авдеева аатынан оҕону айар үлэтин сайыннарар киинин салайааччытынан ананан үлэлээбитэ. “БИНОМ айти-оскуола”, “Сыыппаранан экэниэмикэ каадырдарын бэлэмнээһин” курдук федеральнай бырайыактары олоххо киллэрбитэ. Мария Петровна эбии үөрэхтээһиҥҥэ РФ үөрэҕин министиэристибэтин иһинэн тэриллибит оробуочай бөлөх чилиэнэ буолар.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0