ПЦР-диагностикалааһыҥҥа наадыйыы улааппытынан, Дьокуускай куорат 1 №-дээх поликлиникатын баазатыгар, сэтинньи бүтүүтүттэн, ПЦР-лаборатория аһыллан үлэлии турар.
СӨ Доруобуйа харыстабылын министиэристибэтэ кылгас кэм иһигэр лаборатория тэрилэ ылыллыбытын, ПЦР-диагностикалааһыҥҥа быраастар үөрэммиттэрин, лиссиэнсийэҕэ уонна ПЦР-лабораторияны «1 №-дээх поликлиника» филиалыгар (Семен Данилов аатынан уулусса 30/1) туруорарга докумуон бэлэмнэниллибитин иһитиннэрэр.
«СӨ Бырабыыталыстыбатын уонна Доруобуйа харыстабылын министиэристибэтин өйөбүллэринэн, ПЦР-диагностиканы оҥорорго лаборатория тэрилэ ылылларыгар резервэлээх пуондаттан 5 мөл.солк. сууматтан тахса үп көрүллүбүтэ. Лаборатория үлэтэ саҥа саҕаланар буолан, күҥҥэ 100-кэ чугаһыыр чинчийии оҥоһуллар», — диэн 1 №-дээх поликлиника тэрийэр-методическай үлэҕэ начаалынньыга Юлия Тимофеева кэпсээтэ.
+1
+1
+1
+1
+1
+1
+1