Интэриэһинэй Экэниэмикэ

Дьокуускайга ProДФО форум чэрчитинэн креативнай индустрияны ырытыахтара

Атырдьах ыйын 4 күнүгэр ProДФО форум чэрчитинэн, «Уһук Илиҥҥи эрэгийиэн креативнай индустрияҕа бэйэтин суолун көрдөөһүнэ: бэйэ икки ардыгар уопут атастаһыы үстүрүмүөннэрэ СМИ холобуругар» диэн секция ыытыллыаҕа.

Секция модераторынан Арассыыйа суруналыыстарын сойууһун Приморскай эрэгийиэн салаатын бэрэссэдээтэлэ Виктор Суханов үлэлиэҕэ. Ырытыыга спикер быһыытынан “Маяк” арт-резиденция салайааччыта Филипп Ермак (Южно-Сахалинск),«Киберателье» уонна Приморье креативнай индустриялара» бырайыак салайааччыта Наталья Карпова (Владивосток),»Мечталет» устуудьуйа дириэктэрэ Илья Кузнецов (Хабаровскай),  «Креативнай индустриялар» оскуола салайааччыта Ростислав Азизо (Благовещенск), «ФедералПресс» медиахолдинг толорооччу дириэктэрэ Олег Орлов, Саха иһитиннэрэр агентствотын сүрүн эрэдээктэрэ Андрей Никифоров (Саха сирэ)  кыттыахтара.

Санатан эттэххэ, ProДФО форум атырдьах ыйын 4 күнүгэр Дьокуускайга ыытыллыаҕа. Тэрээһин сүрүн тиэмэтинэн «Уһук Илин: креативнай экэниэмикэ кууруһун тутуһуу. Бэйэни сайыннарыыга саҥа кыахтар» диэн буолар. Саха Өрөспүүбүлүкэтин киин куоратыгар аныгылыы тенденциялары, бастыҥ саҕалааһыннары дьүүллэһиигэ, ону тэҥэ цифровой импорты солбуйуу уонна сааҥсыйалар усулуобуйаларыгар индустрияны сайыннарыыны ырытыыга Уһук Илин эрэгийэн бу эйгэҕэ бастыҥ бэрэстэбиитэллэрэ мустуохтара. Тэрээһиҥҥэ Приморскай кыраай бэрэстэбиитэллэрэ эмиэ кыттыахтара.

0
0
Telegram @edersaas20