Дьокуускайга пааркаҕа уонна «Строительнай» ырыынакка доруобуйа дьаарбаҥкалара ыытыллыахтара

Бу субуотаҕа, ыам ыйын 22 күнүгэр, Дьокуускайга Култуура уонна сынньалаҥ пааркатыгар уонна «Строительнай» ырыынакка доруобуйа дьаарбаҥкалара ыытыллыахтара. Дьаарбаҥканы Дьокуускайдааҕы 1-кы №-дээх поликлиника тэрийэр.

Пааркаҕа буолар тэрээһин ыалдьыттара босхо ЭКГ-га түһүөхтэрин, хааҥҥа саахар таһымын быһаартарыахтарын, харах дабылыанньатын мээрэйдэтиэхтэрин, итиэннэ кардиолог, терапевт консультацияларын ылыахтарын сөп. Бу күҥҥэ коронавирус дьаҥын утары быһыыны биэриэхтэрэр, ФЛГ-га түһэриэхтэрэ.

Дьаарбаҥка пааркаҕа салалта дьиэтигэр 10.00 чаастан 18.00 диэри буолуоҕа. ФЛГ кабинета 16.00 чаастан 18.00 чааска диэри үлэлиэҕэ. Пааспар, СНИЛС, полис илдьэ кэлэргит булгуччулаах.

«Строительнай» ырыынакка буолар дьаарбаҥкаҕа быраастар сүрэх-тымыр ыарыыларын көрүөхтэрэ, хааҥҥа саахар таһымын бэрэбиэркэлиэхтэрэ, коронавирус дьаҥын утары быһыыны биэриэхтэрэ. Итиэннэ ЭКГ-га, УЗИ-га, ФЛГ-га түһэриэхтэрэ, харах дабылыанньатын мээрэйдиэхтэрэ. Кардиолог, невролог, эндокринолог, гастроэнтеролог, офтальмолог, терапевт быраастар баар буолуохтара.

Дьаабаҥка Жорницкай уул. 35-с №-дээх дьиэтин («Строительнай» ырыынакка) бастакы этээһигэр 10.00 чаастан 18.00 чааска диэри буолар. ФЛГ кабинета 10.00 чаастан 13.30 чааска диэри үлэлиэҕэ. Пааспар, СНИЛС, полис илдьэ кэлэргит булгуччулаах.