Дьокуускайга оскуолалары ыраахтан олорон үөрэтиигэ көһөрүөхтэрэ суоҕа

Бу күннэргэ Дьокуускай куорат оскуолаларыгар сорох кылаастары ыраахтан олорон үөрэтиигэ көһөрдүлэр.

Ол эрээри, куорат дьаһалтатын пресс-сулууспата  киин куоракка  үөрэх тэрилтэлэрин дистационнай үөрэтиигэ көһөрүү былааҥҥа суох диэн иһитиннэрдэ. Дьокуускайдааҕы үөрэх управлениетын салайааччыта Алексей Семенов: «Билигин куорат үрдүнэн оҕолор ОРВИ-нан ыалдьыылара аччаата. Холобур, бүгүн Дьокуускайга 30 уонна 17 №-дээх оскуолалар сорох кылаастара ыраахтан үөрэниигэ көспүттэрэ», — диэн быһаарар.

Оҕо саадтарын туһунан этэр буоллахха, 664 бөлөхтөн 100-һэ харантыыҥҥа көспүт. Итинтэн 24-дэ коронавирус дьаҥыттан, 76-та ОРВИ-тан сылтаан сабылларга күһэллибиттэр.