Дьокуускайга өссө биир оҕо оонньуур былаһаакката баар буолла. Бу «Норуот бүддьүөтэ» бырайыак өйөбүлүнэн олоххо киирдэ диэн куорат дьаһалтатын уопсастыбаннаһы уонна иһитиннэрэр-көрдөрөр эйгэ ситимин кытары сибээскэ үлэтин департаменыттан иһитиннэрдилэр.
Үөрүүлээх тэрээһиҥҥэ мустубут 72-с кыбартаал олохтоохторун Дьокуускай куорат сирин-уотун сайыннарыыга баһылыгы солбуйааччы Евгений Григорьев, Киин уокурук бырабылыанньатын салайар Матвей Торговкин уонна бырайыагы көҕүлээччи Николай Ноев эҕэрдэлээбиттэр.
Николай Ноев урукку былаһаакканы уларытар, тупсарар инниттэн, бырайыак көмүскээннэр грант ылбыттарын, «Норуот бүддьүөтэ» дьон-сэргэ санаатын истэрин, туруорсуутугар болҕомтону уурарын, маннык хабааннаах хамсааһыннарга өйөбүлү оҥорорун бэлиэтээбит. Саҥа былаһааккаҕа хачыаллар, сырылыы оонньуур сирдэр, дьиэ-уот, тренажердар харахха тута быраҕыллаллар диэн департамент пресс-сулууспата бэлиэтиир.
Быйылгы сылга «Биһиги столицабыт» хайысханан «72-с кыбартаал олохтоохторугар сынньанар сир-уот» бырайыагы олоххо киллэрэргэ (уопсастыбаннай эбийиэктэри тутуу уонна саҥардан, тупсаран оҥоруу) «Норуот бүддьүөтэ» бырайыагынан 2 430 176,44 солк. субсидия көрүллүбүт.