Өрөспүүбүлүкэ киин куоратыгар ахсынньы 15-18 күннэригэр Ньурба улууһун тэрээһиннэрэ ыытыллыахтара.
edersaas.ru
Үөрүүлээх тэрээһиннэр уһулуччулаах судаарыстыбаннай диэйэтэл Степан Васильев төрөөбүтэ 125 уонна бэлитиичэскэй- уопсастыбаннай диэйэтэл, СӨ, Горнай, Муома, Абый, Ньурба оройуоннарын Бочуоттаах гражданина Варвара Петрова төрөөбүтэ 85 сылыгар ананаллар.
Ахсынньы 15 күнүгэр күнүс 12 чаастан Ярославскай уулусса 28 нүөмэрдээх дьиэтигэр мемориальнай дуоскаҕа сибэкки дьөрбөтүн ууруохтара. Инстаграмҥҥа rnyurbinskiyrayon аһаҕас кэпсэтии ыытыллыаҕа.
18.30 чааска «Саха» НКиК Варвара Петрова олоҕор уонна үлэтигэр аналлаах «Ийэ хотун баһылык» диэн документальнай киинэ (ааптар Наталья Михалева-Сайа, режиссер Нина Корнилова) көрөөччүлэр дьүүллэригэр тахсыаҕа .
Ахсынньы 16 күнүгэр Ньурба улууһун баһылыга Алексей Михайлович Иннокентьев «Саҥа күн» биэриигэ ыалдьыттыаҕа.
11.00 чааска Варвара Андреевна төрөөбүтэ 85 сылыгар аналлаах Төгүрүк остуолга уонна Instagram @mrnyurbinskiyrayon интэриэһинэй кэпсэтии күүтүллэр.
Киэһэ 19.15 чааска «Олох үөһүгэр» биэрии буолуоҕа.
Ахсынньы 17 күнүгэр 11 чаастан Ем.Ярославскай аатынан Хотугу сир устуоруйатын уонна култууратын судаарыстыбаннай холбоһуктаах мусуойугар аһыллар «Ньурба оройуона: олох кирбиитигэр» быыстапка САССР төрүттэммитэ 100 сылыгар ананар. Instagram @mrnyurbinskiyrayon, @nyurba_museum аһаҕас биэриилэр тэриллиэхтэрэ.
12 чааска Киров уулуссатын 12 нүөмэрдээх дьиэтигэр Степан Васильевич Васильев пааматынньыгар сибэкки дьөрбөтө ууруллар сиэрэ-туома ыытыллыаҕа. Instagram @mrnyurbinskiyrayon аһаҕас эпиир.
14 чаастан Белинскэй уулуссатын 58 дьиэтигэр ХИФУ Учуонай сэбиэтин мунньахтыыр саалатыгар Э.Ф.Данилов «Степан Васильев» кинигэтэ сүрэхтэниэҕэ. Instagram @mrnyurbinskiyrayon, @departamentkulturynrb -– аһаҕас эпиир.
Ахсынньы 18 күнүгэр 11.00 чаастан Өксөкүлээх Өлөксөй аатынан Норуоттар доҕордоһууларын киинигэр тыа хаһаайыстыбатын бородууксуйатын дьаарбаҥка-быыстапкатыгар куорат олохтоохторун уонна ыалдьыттарын ыҥыраллар. Instagram @mrnyurbinskiyrayon -– аһаҕас эпиир.
18.00 чааска Степан Васильевич Васильев уонна Варвара Андреевна Петрова үбүлүөйдээх сылларыгар аналлаах СӨ уопсастыбаннаһын үөрүүлээх мунньаҕа буолуоҕа. Instagram @mrnyurbinskiyrayon, @departamentkulturynrb -– быһа эпиир.
19.00 чаастан Ньурба улууһун дьоһуннаах тэрээһиннэрэ Өксөкүлээх Өлөксөй аатынан кииҥҥэ «Улуу дьоммут ыллыктаах суолларынан» бырааһынньыктааҕы кэнсиэринэн түмүктэниэхтэрэ. Instagram @mrnyurbinskiyrayon, @departamentkulturynrb – быһа эпиир.
Бары дьаһалларга киирии уонна кыттыы QR-кодунан.
Надежда ЕГОРОВА, «Саха сирэ» хаһыат, edersaas.ru