Дьокуускайга, Нерюнгригэ саҥа социальнай тутуулары ыытыахтара

Бөлөххө киир:

Саха сирэ Дьокуускай уонна Нерюнгри куораттар саҥа түөлбэлэригэр тутуулары ыытыыга 3 млрд солкуобайы үбүлэтиэҕэ. Бу туһунан Илиҥҥи экономическай форум кэмигэр Ил Дархан Айсен Николаев уонна “ДОМ.РФ” салайааччыта Виталий Мутко меморандум түһэристилэр.

“ДОМ.РФ” АУо куораттар социальнай тутууларыгар, дьиэлэр тастарын тупсарыыга үлэлэһэр. Тэрилтэ облигациятын туһанан, саҥа түөлбэлэр социальнай инфраструктураларын, суолларын-иистэрин, инженернэй тутууларын тутуохха сөп. Тэрилтэ судаарыстыба уонна чааһынайдар бииргэ үлэлээһиннэрин ньыматынан (ГЧП) тутуллар бырайыактарга ылсан үлэлиир.

Меморандум чэрчитинэн, Дьокуускай куоракка байыаннай чаас кыбартаалыгар саҥа оскуола, оҕо саадын эбии бөлөхтөрө, ону сэргэ поликлиника тутуллаллара былааннанар. Оттон Нерюнгрига 250 миэстэлээх оҕо саадын олоххо киллэрэр соруктаахтар.

Уопсайа барыта 359,7 тыһыынча кв м эбийиэк тутуллуохтаах.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0