Сүрүн Тырааныспар

Дьокуускайга нацбырайыагынан сүүрбэ уулусса аспаалланна

«Главстрой» тэрилтэ дааннайдарынан, бүгүҥҥү күҥҥэ Дьокуускайга «Куттала суох уонна хаачыстыбалаах суоллар» национальнай бырайыак чэрчитинэн 30 км тахса суол аспаалламмыт. Бу уопсай көрдөрүүттэн 62 %-а буолар. Суолу аспаалынан-бетнунан бүрүйүү сүүрбэ уулуссаҕа түмүктэннэ диэн Дьокуускай уокуруктааҕы дьаһалтатын пресс-сулууспата иһитиннэрэр.

Ол курдук, «РИК Автодор» диэн бэдэрээттиир тэрилтэ Жуковскай, Покровскайдыыр эргэ суол, Луговой, Широких-Полянскай, Шевченко, Хатыҥ-Үрэх шоссеҕа баар Христофор Максимов, Студенческай, Птицефабрикаҕа баар Нагорнай, Молодежнай, Кангаласска баар 26 партсъезд, Маҕаҥҥа баар Кыайыы 40 сылын, Хатаска баар Каландаришвили, Пригороднайга баар Пляжнай, Набережнай, Совхознай уулуссаларга үлэтин түмүктээбит.

Оттон «Инвестдорстрой» тэрилтэ Халтурин аатынан уулуссаны аспаалынан бүрүйдэ. «Туймаада» тэрилтэ Кангаласска баар Объездной уулуссаны өрөмүөннээтэ. Бу курдук атын  бэдэрээттиир тэрилтэлэр эмиэ былааннаммыт үлэлэрин тиһэҕэр тиэртилэр.

Билигин аҕыс эбийиэккэ үлэ ыытылла турар. Балаҕан ыйын 30 күнүгэр диэри Марха Заводской уонна Интренациональнай уулуссаларын суолун өрнөмүөннээн бүтэрэр былаан баар.

0
0