Дьокуускайга маннык улаханнык тымныйбатаҕа уонча сыл буолла диэн Гидрометкиинтэн отдел начаалынньыга Саргылаана Никитина бэлиэтээбит.
Тымныы күн-дьыл эрэгийиэҥҥэ нэдиэлэ бүтүүтүгэр диэри туруоҕа. Өрөспүүбүлүкэ үгүс оройуоннарыгар туман уонна тымныы: салгын температурата -48-52 кыраадыс тымныы буолуо диэн этиллэр.
Өрүс уҥуор уонна хотугулуу-илин оройуоннарга -52-57 кыраадыс тымныылар нэдиэлэ бүтүөр диэри туруохтара.
Өрөспүүбүлүкэ арҕаа өттүгэр чугастааҕы күннэргэ Красноярскай кыраайтан тыал түһэрэ күүтүллэр, ол түмүгэр Өлөөн, Мииринэй, Ленскэй оройуоннарыгар кыратык хаардыаҕа, сөкүүндэҕэ 10-15 м.тыалырыа, салгын температурата -32-37 тымныы, сорох сирдэринэн -20-25 кыраадыс буолуоҕа. Өрөбүллэргэ 10-15 кыраадыһынан тымныйыа.
Дьокуускайга чугастааҕы икки күҥҥэ хаар суох, сорох сирдэринэн туман түһүө, мөлтөх тыаллаах, түүнүн -50 кыраадыска тиийэ тымныйар, күнүһүн -47-49 тымныы буолара күүтүллэр. Өрөбүллэргэ, тохсунньу 16-17 күннэригэр, кыралаан хаардыа, туманнырыа, мөлтөхтүк тыалырыа, түүн -47-49, күнүһүн -44-46 кыраадыс тымныйыа.
+1
+1
+1
+1
+1
+1
+1