«Якутия» технопаарк иһинэн үлэлиир «СельГазСтрой» уонна «Стандарт 14» тэрилтэлэр Дьокуускайга мэдиссиинискэй харыстанар маасканы оҥорор сыаҕы арыйдылар.
edersaas.ru
Сыах күҥҥэ 20 тыһыынча кэриҥэ маасканы оҥоруо. Мааскалар бары ирдэбиллэргэ эппиэттэһэллэр, сэртипикээттээхтэр.
«Спанбонд» уонна «СМС» диэн антибактериальнай, гипоаллергеннай, фильтрдыыр матырыйааллартан тигиллэллэр. Матырыйаалы Арассыыйа иһиттэн ылаллар. Менеджер Саскылаана Григорьева этэринэн, түөрт станок үлэлиир, онтон иккитэ аптамаатынан – мүнүүтэҕэ 100 мааска таҥаһын бэлэмниир, иккис станок 40 мааскаҕа эрэһиинэ сыһыарар.
Онон биир симиэнэҕэ 20-25 тыһыынча мааска оҥоһуллан тахсар.
Саскылаана Григорьева бэлиэтээбитинэн, мааска 3 солкуобайтан саҕалаан атыыланыаҕа.
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа Мария Васильева түһэриитэ.
+1
+1
+1
+1
+1
+1
+1