Дьокуускайга Ленин проспегар ыытыллар суол үлэлэрэ сайын түмүктэниэхтэрэ
Дьокуускай куоракка Ленин проспегар ыытыллар суол үлэлэрэ 2022 сыл сайыныгар бүтэн, айан-сырыы онно арыллыаҕа. Бу туһунан бүгүн пресс-кэмпириэнсийэҕэ куорат быһалыга Евгений Григорьев иһитиннэрдэ.
«Суол өрөмүөнүн үлэтэ бүтэ илигинэ айан-сырыы проспекка арыллыбат. Билигин бу оҥоһуллубут учаастакка тырааныспар сырыыта саҕаланнаҕына өрөмүөннэммит сир бүтүн буолуутугар боппуруос турар, онон суол сайын биирдэ арыллыаҕа», — диэн Евгений Николаевич быһаарда. Маныаха сорох үлэлэр таһырдьа арыый сылыйдаҕына эрэ оҥоһуллар кыахтаахтарын кини бэлиэтээн эттэ.
Оттон эрдэ иһитиннэрбиттэринэн, суол бу учаастага быйыл ахсынньы бүтүүтэ арыллар диэн этэ.
+1
+1
+1
+1
+1
+1
+1