Дьокуускайга “Үлэ кыбартаалын” тутуу түмүктэнэн эрэр  

Ааптар: 
Бөлөххө киир:

Дьокуускайга Уһук Илиҥҥэ бастакы “Үлэ кыбартаала” креативнай кластеры тутууну түмүктээн эрэллэр. Билигин инженернэй ситимин уонна дьиэ тас өттүн  оҥороллор. Тутууну эрэгийиэн бырабыыталыстыбатын бэрэссэдээтэлэ Андрей Тарасенко хонтуруоллаата, диэн СИА иһитиннэрэр.

Санатан эттэхэ, Саха сирэ – Арассыыйаҕа креативнай экэниэмикэ сайдыытын эрэгийиэннээҕи кэнсиэпсийэтэ торумнаммыт уонна ылыныллыбыт бастакы эрэгийиэнинэн буолар. Эрэгийиэн баһылыга Айсен Николаев  көҕүлээһининэн, “Үлэ кыбартаала” креативнай кластеры тутуу былырыын саҕаламмыта. Маны федеральнай таһымҥа өйөөбүттэрэ.  Кластеры тутууга үбү-харчыны “Биир кэлим субсидия” экэниэмикэ сайдыытын кииннэрин социальнай былаанын чэрчитинэн бэриллибитэ. “Үлэ кыбартаалын” тутуу 1250 үлэ миэстэтин тэрийиэҕэ уонна 150 резидени кытыннарыаҕа. Кинилэр бары урутаан сайдыы резиденнэригэр көрүллэр чэпчэтиинэн туһаныахтара.  “Бу бырайыак сүрүн сыала – креативнай айар үлэнэн дьарыктаныыга усулуобуйаны тэрийии. Ол иһигэр биһиги дизайнердарбытын, худуоһунньуктарбытын, анимационнай, оҕо мультфильмнэрин, киинэни устааччылары өйөөһүн. Бу киин сайдан,  салгыы үлэлээтэҕинэ, биһиги саҥа ааттары элбэҕи истиэхпит”, — диэтэ вице-премьер Сергей Местников.

Төһө да ыарахаттар баалларын үрдүнэн, эбийиэккэ үлэ түмүктэнэн эрэр, дьиэ таһын тупсаҕай оҥоруу күүтүллэр. Премьер-миниистир Андрей Тарасенко эбийиэги көрөн баран кэккэ сорудахтары биэрдэ. Кластер резиденнэрин үлэлэрин тутаах хайысхалара – бу анимация, киинэ, компьютерынан графика, хаартыска уонна видео оҥоруу, блогинг, креативнай агентстволар, маркетинг уона брендинг, дизайнердар, архитектура уонна бырайыактыыр бюро, ойуулуур искусство индустрията. Кластерга РФ бэрэсидьиэнин Уһук Илин ФУо боломуочуйалаах бэрэстэбиитэлэ  Юрий Трутнев эмиэ сылдьан турар уонна креативнай каадырдары иитэн таһаарыахтаах киини үрдүктүк сыаналаабыта.  Кластеры арыйыы Саха сирин сүүс сылыгар сүрүн түгэннэртэн биирдэстэринэн буолар.

Анастасия Филиппова, СИА

Хаартыска: тустаах саайтан

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0