Дьокуускайга кытаанах бөҕү наардыыр ыстаансыйа тутуллуоҕа

«Саха сирэ» территориялары урутаан сайыннарыы бырайыагын кыраныыссата кэҥиир. Манна сөптөөх дьаһалга РФ премьер-миниистирэ Михаил Мишустин илии баттаата. 

Ол курдук, кэҥээһин эбии сир учаастактарын ылыыны кытта сибээстээх. Ол суотугар 2023 сылга Дьокуускай куоракка  кытаанах бөҕү наардыыр ыстаансыйа тутуллуоҕа.  Сылга, ортотунан, 150 тыһ. туонна кытаанах бөҕү аһардар кыамталаах ыстаансыйа үлэлиэҕэ. Бырайыагы олоххо киллэрии Дьокуускай куорат экологическай өттүнэн тупсуутугар улахан төһүү күүһүнэн буолуоҕа. Ону тэҥэ, 85 үлэ саҥа миэстэтэ тахсарын хааччыйыаҕа.