Дьокуускайга Чернышевскай уулусса 66 №-дээх ас-үөл атыылыыр баазатыгар сыана син орто таһымынан турар курдук.
Үүт бородууксуйатыгар сыана биир тэҥ. Арассыыйаҕа айдааны тарпыт 1 лиитэрэ бытыылкалаах мас арыыта 125 солкуобайга диэри сыанаҕа атыылана турар. Сорох атыыһыттар этэллэринэн, саҥа тиэллэн кэлбит мас арыытын сыаната 140 солкуобайга тиийбит. Ол эрээри маннык сыанаҕа атыылана турарын түбэһэн көрбөтүбүт.
Дьокуускайдааҕы көтөрү иитэр фабрика кууруссатын сымыыта билиҥҥитэ үрдээбэккэ турар. Саатар эрэ оннук буоллун. Хаҥаластан кэлэр Павлов ИП чөчөгөйө бу баазаҕа куорат үрдүнэн саамай чэпчэки сыанаҕа атыыланара. Билигин үрдэтэн, 300 солкуобай гыммыттар. Хортуоппуй эҥин сыанатыгар уларыйыы суох. Таарыйа аҕыннахха, кэлии хортуоппуй атыыланар. Хаачыстыбата үчүгэй.
Бэлэмнээтэ Женни Стрюкова
Хаартыска: интэриниэттэн