Дьокуускайга киинэ тыйаатырдарыгар QR-куод ирдэбилин тутуспатылар

Ааптар: 
Бөлөххө киир:

Хамсыгы утары тэриллибит Дьокуускайдааҕы Суһал ыстаап уонна ИДьМ “Якутское” салаатын хомуур бөлөҕө миэрэлэри тутуһууну уопсастыбаннай аһыыр сирдэргэ, тырааныспарга, култуура тэрилтэлэригэр кэтиир.

Алтынньы 25 күнүгэр 14 эбийиэккэ ыытыллыбыт рейдэ түмүгүнэн “Киин” уонна “Лена” киинэ тыйаатырдарыгар хааччах эрэсиимин кэһии түгэннэрэ бэлиэтэммиттэр. Ол курдук, тыйаатырга сылдьааччылары киирии ааҥҥа температураларын кээмэйдээбэтэхтэр, QR-куод бэрэбиэркэтэ ыытыллыбатах. Хааччаҕы кэһээччилэри утары буруйу оҥоруу аахтата толоруллубут.

«Cinema», «Емеян», «Авиатор», «Россия» киинэ тыйаатырдарга, Эстрада тыйаатырыгар, Хотугу норуоттар тыйаатырдарыгар, Өксөкүлээх аатынан Доҕордоһуу киинигэр өйдөтөр, быһаарар үлэ ыытыллыбыт.

«Саха сирэ» хаһыат, edersaas.ru

Хаартыска — sakha.gov.ru

+1
0
+1
0
+1
0
+1
0
+1
0
+1
0
+1
0