Ил Дархан Айсен Николаев бүгүн, от ыйын 4 күнүгэр, өрөспүүбүлүкэҕэ коронавирус балаһыанньатын туһунан иһитиннэриитигэр, үтүөрээччи ахсаана кэнники төһө да элбээбитин иһин, санитарнай ирдэбили тутуһар, мааскалаах сылдьар буоллахха, бу сыстыганнаах дьаҥ хаптайыытын ситиһиэхпитин бэлиэтээтэ.
—Бүтэһик хонукка 173 киһи үтүөрдэ, балыыһаттан таҕыста. Ол да буоллар, дьаҥтан билигин да сэрэнэр, харыстанар наада, — диэтэ. Итиэннэ бэс ыйын 30 күнүттэн бэттэх, Дьокуускай куоракка дьаҥнааччы ахсаана эмиэ сыыйа эбиллэн эрэрин эттэ. Ол курдук, бэс ыйын бүтэһик күнүгэр, Дьокуускайга 33 киһи коронавирустаабыта бэлиэтэммит буоллаҕына, бу кэнники хонукка ыалдьааччы ахсаана 49-ка тиийбитэ долгутууну таһаарарын эттэ.
—Дьокуускайга, кэнники аҕыйах күҥҥэ, дьаҥнааччы ахсаана эбилиннэ, — диэтэ. Ити санитарнай ирдэбиллэри тутуһуу, мааскалаах сылдьыы намтаабытыттан буоларын тоһоҕолоото.
+1
+1
+1
+1
+1
+1
+1