Киин куоракка «Теплоэнергия» АУо уонна «Якутскэнерго» ПАУо баазаларын чэрчитинэн Кэлим итиини биэрэр ситими олоххо киллэриэхтэрэ.
СӨ Бырабыыталыстыбатын Бэрэссэдээтэлин солбуйааччы Дмитрий Садовников бэлэмнэнии үлэтин бэрэбиэркэлээбитин түмүгэр «Теплоэнергия» АУо хочуолунайдара ЯГРЭС-2 ититэр ситимигэр көһүөхтэрэ. Онон көдьүүһэ суох үлэлиир хочуолунайдар үлэлэрэ тохтуоҕа, ититии тиһигин туһаныы көдьүүһэ үрдүөҕэ, Дьокуускайдааҕы ГРЭС-2 күүһэ толору туһаныллыаҕа. Бу туһунан Дмитрий Садовников «Дьокуускай куорат» куораттааҕы уокурук баһылыга Евгений Григорьевы уонна «Якутскэнерго» ПАУо генеральнай дириэктэрэ Алексей Стручковы кытта көрсүһүүтүн кэмигэр дьүүллэстилэр.
Саҥа тэрилтэни тэрийиигэ докумуоннары оҥоруу үлэтэ тохсунньу 18 күнүгэр бигэргэтиллиэҕэ.
Елена ПОТОЦКАЯ, «Саха сирэ» хаһыат.