От ыйын 29 күнүгэр Дьокуускайга биир этээстээх «Ева» маҕаһыыны көтүрдүлэр.
Бу туһунан Дьокуускай дьаһалтатын пресс-сулууспата иһитиннэрэр. Дьиэни Дьокуускай куорат суутун быһаарыытыгар олоҕуран көтүрдүлэр. Дьокуускай дьаһалтата иһитиннэрбитинэн, сири көҥүлэ суох ылан хапытаалынай тутууну дьэндэтэр уонна биисинэһинэн дьарыктаныы иһин чааһынай киһиэхэ 20-50 тыһыынчаҕа, оттон юридическэй сирэйгэ 500-1000000 тыһыынчаҕа тиийэ ыстарааптаныахтарын сөп. Санатан эттэххэ, куоракка бу иннинэ тутуу ырыынагар турбут «У Гоги» уонна Петровскай уулусса 23/2 аадырыска көҥүлэ суох, сир ылан тутуллубут тутуулар көтүрүллүбүттэр.
Ульяна Захарова.
+1
+1
+1
+1
+1
+1
+1