Дьокуускайга иккис ырыынакка атыыланар дьиэлэр сыаналара 10-11 % түстэ

Арассыыйаҕа иккис ырыынакка атыыланар дьиэлэр сыаналара түстэ.  «Этажи»  диэн федеральнай ааҕыныстыба дириэктэрин солбуйааччы Татьяна Ахметдинова быһаарбытынан, ыам ыйыгар  дьиэ биир кв. м сыаната, ортотунан, 2,1 % түспүт,  ол 78 тыһ. солк тэҥнэһэр.

«Ыам ыйгар иккис ырыынакка атыыланар дьиэ биир кв м сыаната  2,1 % түстэ, бу улахан көрдөрүүнэн буолар. Муус  устарга 0,5 % эрэ түспүтэ», — диэн Татьяна Ахметдинова быһаарар. Бу түһүү баар балаһыанньанан сылтаан, нэһилиэнньэ ордук орто туруктаах дьиэлэри атыылаһыыта үрдээбитин кытта сибээстээх. Атыылыыр дьон дьиэлэрин батара охсор баҕаттан атыылаһааччылар сыананы түһэрсэллэригэр түргэнник сөбүлэһэллэр эбит.

Ыам ыйыгар иккис ырыынакка атыыланар дьиэлэр сыаналара  Санкт-Петербурга  0,9 %, Новосибирскайга  0,8 %, Красноярскайга 0,6 %, Волгоградка 0,2 % уонна Москваҕа 0,1%, Дьокуускайга, ортотунан, 10-11  %  түспүт.

Ирина Васильева,  Дьокуускайга риэлтордыыр:

— Арассыыйа үрдүнэн сыана түһүүтэ Саха сиригэр биллэрэ эмиэ чуолкай. Ыам ыйыгар уонна бэс ыйын саҕаланыыта  дьиэ сыаната Дьокуускайга, ортотунан, 10-11  %  түстэ. Салгыы хайдах буоларын этэр уустук, кэм-кэрдии көрдөрүөҕэ.