Дьокуускайга «Аан дойду виртуоз-хомусчута» күрэс кыттыылаахтара кэллилэр

Ааптар: 
Бөлөххө киир:

Дьокуускайга үһүс төгүлүн ыытыллар норуоттар икки ардыларынааҕы виртуоз-хомусчуттар куонкурустарыгар бочуоттаах ыалдьыттар уонна күрэскэ кыттааччылар кэлитэлээн эрэллэр.

Авиапортка кинилэри Хомус түмэлин уонна киинин дириэктэрэ Дмитрий Бястинов көрүстэ.
Бастакынан кэлбит ыалдьыттар ортолоругар Лео Тадагава, Коукин (Варган) ассоциациятын бэрэссэдээтэлэ (Япония), чинчийээччи, педагог, норуоттар икки ардыларынааҕы варган уопсастыбатын сэбиэтин чилиэнэ, куонкурус дьүүллүүр сүбэтин чилиэнэ баар. Кини: «Саха сиригэр өссө төгүл кэлбиппиттэн олус үөрэбин. Күөн күрэс кыттыылаахтарыгар ситиһиилэри, дьоҕурдарын толору арыйан кытталларыгар баҕарабын. Бу улахан далааһыннаах күрэс төрүт үстүрүмүөҥҥэ оонньууру харыстыырга, тарҕатарга туһаайыллар», — диэн үөрүүтүн үллэстэр.
Дьокуускайга Татарстантан Ильдар Гимадиев уонна Фаниль Вильданов кэллилэр.

«Биһиги күрэскэ эрэ кытта кэлбэтибит, биһиги өссө Саха сиригэр хомус сайдыытын үөрэтэр, атын хомусчуттары кытары билсэр баҕалаахпыт. Күрэс үрдүк таһымнаахтык бэлэмнэниллибит, араас дойдулартан, эрэгийиэннэртэн кытталлар. Куонкурус норуоттар доҕордоһууларын кэрэһитинэн буолар», — дииллэр кинилэр.

Санатар буоллахха, «Аан дойду виртуоз-хомусчута» норуоттар икки ардыларынааҕы куонкуруһу тэрийээччилэринэн СӨ Бырабыыталыстыбата, СӨ Култуура уонна духуобунай сайдыы министиэристибэтэ, Дьокуускай к. хомус аан дойдутааҕы норуоттарын түмэлэ уонна киинэ, варган норуоттар икки ардыларынааҕы уопсастыбата буолаллар.

+1
0
+1
0
+1
0
+1
0
+1
0
+1
0
+1
0