Кылаабынай судаарыстыбаннай санитарнай быраас этиилэрин учуоттаан туран, өрөспүүбүлүкэҕэ коронавирус утары хааччахтааһын миэрэлэрэ арыый да сымнатылыннылар. Туһааннаах ыйаахха өрөспүүбүлүкэ баһылыга бэҕэһээ илии баттаата.
Саҥа ыйаахха олоҕуран, вакцинаны ылбыт уонна ыалдьан бүппүт дьон Дьокуускай куорат атыы-эргиэн кииннэригэр киирэллэригэр QR-куод ирдэниллибэт буолла. Маны таһынан үлэһит уоппускаттан биитэр өрөспүүбүлүкэ таһыттан сынньанан, командировкаттан кэллэҕинэ ПЦР уонна ИХА тиэһэ ирдэниллибэт буолуоҕа.
Дьокуускай куорат сиригэр-уотугар баар эрэстэрээннэр, кафелар, остолобуойдар, буфеттар, баардар, аһыыр сирдэр, банкеттыыр саалалар, о.д.а. уопсастыбаннай аһылыгы тэрийэр сирдэр 00:00 ч. диэри үлэлиэхтэрэ.
Ыйааҕы сиһилии манна киирэн көрүҥ: https://sakha.gov.ru/uploads/ckfinder/userfiles/2022/02/12/files/2300%20%D0%BE%D1%82%2011_02_2021.pdf
edersaas.ru