Дьокуускайга бүгүҥҥүттэн Бүтүн Арассыыйатааҕы ГТО (физическэй култуура уонна успуорт) бэстибээлэ саҕаланна.
Чөл олоҕу, маассабай успуорду көҕүлүүр сыаллаах-соруктаах муус устар 2-3 күннэригэр ыытыллар тэрээһиҥҥэ үлэ кэлэктииптэрэ, судаарыстыбаннай, муниципальнай тэрилтэлэр үлэһиттэрэ кытталлар.
Иһитиннэриигэ этиллибитинэн, күрэхтэһии түмүгүнэн Саха сирин сүүмэрдиир хамаандата тэриллиэхтээх уонна ыам ыйын 15 — 20 күннэригэр Свердловскайга Екатеринбург куоракка ыытыллар Бүтүн Арассыыйатааҕы ГТО бэстибээлигэр кыттыахтаахтар.
Аны туран, ГТО нуоруматын толорбут дьоҥҥо СӨ физкултуура уонна успуорт министиэристибэтин бирикээһинэн: «Триумф», «Дохсун», «Кыайыы 50 сыла» успуорт дыбарыаһыгар, «Чолбон» бассейҥҥа, «Туймаада» стадиоҥҥа сылдьарга чэпчэтии көрүллэр. Онно этиллэринэн, кыһыл көмүс бэлиэни ылбыттарга — 50%, үрүҥ көмүс бэлиээлээхтэргэ — 40%, боруонсаҕа — 30%.
Бэҕэһээҥҥи иһитиннэриинэн, сүүмэрдиир күрэхтэһиигэ алта уонтан тахса киһи кыттар баҕалааҕын биллэрбит. Оттон улуустарга бу күн ГТО туттарарга 42 кииҥҥэ күүстэрин-кыахтарын холоноллор.
Бырагыраамаҕа уһуну сүүрүү, турникка тардыныы, сиртэн анньыныы, харбааһын, имигэс буолууга хамсаныы, о.д.а. киллэриллибиттэр.
+1
+1
+1
+1
+1
+1
+1