Дьокуускайга ГТАС (ЗАГС) управлениетын үлэһитэ коронавирустаабыта быһаарылынна.
Электроннай дааннайдарынан үлэлии олорбут оператор COVID-19 ыалдьыбыта быһаарыллыбыт. Билигин Дьокуускайга ГТАС отдела сабыллан турар. Манна дезинфекция ыытыллар.
Тустаах тэрилтэттэн быһаарбыттарынан, бары оператордар өҥөнү оҥорор үлэһиттэри, итиэннэ наадаларыгар кэлэр дьону кытары хантаактаспакка, туспа анал сиргэ үлэлээбиттэр.
Кулун тутар 23 күнүттэн Дьокуускайдааҕы ГТАС бары отделлара , улуустарга баар тэрилтэлэрэ чопчуламмыт кыраапыгынан уонна өҥөлөрү оҥорор анал Портал нөҥүө үлэлээбиттэр.
Коронавирус дьаҥынан сутуллубут киһи баара биллиэр диэри, ыал буолааччыларга, оҕо төрөөтөҕүнэ, оҕоҕо аҕа буоларын туоһулуур докумуоннары уонна киһи өлбүтүн туоһулуур докумуону биэрэ олорбуттар. Бу өҥөлөрү оҥорууга РФ Үлэҕэ уонна социальнай көмүскэллээх буолууга министиэристибэтэ коронавирус дьаҥыттан харыстанарга бары ирдэбиллэрэ кытаанахтык тутуһуллубуттар.
Гражданнар наадалаах ыйытыыларгытын маннык төлөпүөннэринэн чопчулаһыҥ:
50-64-45 (приемнай)
50-64-65 (оҕо төрөөтөҕүнэ сибидиэтэлистибэни ыларга)
50-64-62 (ыал буолааччылар сайабылыанньа биэрэргэ)
50-64-68 (киһи өллөҕүнэ ыспыраапкаҕа)
Үлэ күннэригэр сарсыарда 9.00 чаастан киэһээ 18.00 чааска диэри ыйыталаһаҕыт.
СӨ ГТАС Управлениетын саайта uprzags.ru
Инстаграм @uprzags