Өрөспүүбүлүкэтээҕи офтальмологическай килиниичэскэй балыыһаҕа Глаукома киинэ аһылынна. Манна глаукомалаах ыарыһахтары испииһэктээн, анаан эмтиир буолуохтара.
— Бу биһиги балыыһабыт иһинэн аһыллыбыт Глаукома киинигэр икки быраас анаан бу эрэ ыарыынан дьарыктаныахтара. Глаукомалаах ыарыһахтары испииһэктээһин туһунан доруобуйа харыстабылын миниистирин бирикээһэ тахсан турар. Онон маннык ыарыһахтары олорор сирдэринэн офтальмолог быраастар учуокка ылан, эмтиэхтэрэ. Регистрга эмтээбит дааннайдара киирэн иһэр. Онтон бу портал нөҥүө быраас уонна пациент салгыы алтыһыахтарын, эмтэнии хаамыытын быһаарсыахтарын сөп. Бу регистр чэрчитинэн, глаукоманы чинчийэр научнай үлэ ыытыллыа, — диэн харах балыыһатын кылаабынай бырааһа Иван Луцкан кэпсээтэ.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru