Дьокуускайга эдэр ыччакка аналлаах «Медиашкола AYAR» үөрэх бырайыага буолуоҕа

Атырдьах ыйын 22 күнүттэн Дьокуускай куоракка «Медиашкола AYAR» саҥа үөрэх бырайыага саҕаланыаҕа.

«Медиашкола AYAR» — диэн эдэр ыччаты, блогердары, араас медиасалаалары, креативнай индустриялары өйүүр экосистема. Бырайыакка үөрэтиини ааһыахха уонна араас форматынан контент-бырайыагы оҥоруохха сөп.

Медиаоскуола  сыала — эдэр, талааннаах ыччат компетенциятын сайыннарыы. Бырайыак кэмигэр биллиилээх блогердар, продюсердар кыттыыны ылыахтара, бэйэлэрин баай уопуттарын туһунан кэпсиэхтэрэ.

Спикердарынан кыттыахтара:

1. Эдуард Чечерин — XOTEAM тик-ток хаус төрүттээччитэ уонна BlackStarBurger Москва маркетолога.
2. Максим Задворнов — BlackStar PR-продюсера, Тиматига, МОТ-ка, IOWA-ҕа уонна «Пошлая Молли» бөлөххө PR-продюсерынан үлэлээбит. МУЗ-ТВ бириэмийэтин продюссера.
3. Екатерина Задворнов — Comedy Club Prod толорооччу  продюсера, «Бастакы ханаал» хампаанньаларын бөлөҕүн продюсера, «AliExpress», «Bavaria», «ВТБ» рекламнай хампаанньалар продюсердара.
4. Максим Корнев — медиатехнолог, Экономика үрдүкү оскуолатыгар медиа, коммуникация уонна дизайн факультетын доцена.

Медиаоскуола кыттыылаахтара биэс хайысханан үөрэниэхтэрэ: «Журналистика», «Дизайн», «Видеография», «Продюсирование и маркетинг» уонна «Работа в кадре».

Үөрэтии кээмэйэ: 21 күн.

Медиашкола түмүгэр хас биирдии кыттааччыга сертификат туттарыллар. Кыайыылаахтарга харчынан бириис олохтонуо. Бырайыак бирииһин пуондата 150 000 солк. тэҥнэһэр.

Бу ссылканан медиаоскуолаҕа регистрацияны ааһыахха сөп: https://forms.gle/obLAWepFQzEh1Kwh9

Үөрэтии босхо. Тэрийээччилэр регистрацияны ааспыт дьонтон 100 киһини талыахтара.