Дьокуускайга — эбии хааччахтыыр миэрэлэр

Ааптар: 
Бөлөххө киир:

Эпидемиологическай балаһыанньа уустугурбутунан, СӨ сүрүн санитарнай бырааһын этиитин учуоттаан туран, Дьокуускай куоракка эбии хааччахтыыр миэрэлэр киллэрилиннилэр. 

Ыйаахха тохсунньу 21 күнүгэр СӨ Ил Дархана Айсен Николаев илии баттаабыта. Ол курдук, нэдиэлэ бастакы уонна иккис күннэригэр атыы-эргиэн, аралдьытар кииннэргэ, атыы-тутуу комплекстарыгар, ырыынактарга Дьокуускай куорат дьаһалтата бигэргэппит кыраапыгынан (50% — нэдиэлэ бастакы күнүгэр, бэнидиэнньиккэ. 50% — нэдиэлэ иккис күнүгэр, оптуорунньукка) дезинфекциялар ыытыллыахтара. Оттон элбэх кыбартыыралаах дьиэлэргэ салайар  (управляющай) тэрилтэлэр уонна бас билээччилэр табаарыстыбалара нэдиэлэ ахсын дезинфекцияны ыытыахтара.
Дьокуускай куорат сиригэр-уотугар баар эрэстэрээннэр, кафелар, остолобуойдар, буфеттар, баардар, аһыыр сирдэр, банкеттыыр саалалар, о.д.а. уопсастыбаннай аһылыгы тэрийэр сирдэр 23:00 ч. диэри үлэлиэхтэрэ.
Маны таһынан, Дьокуускай сиригэр-уотугар фудкортар (бэлэмнэниллибит аһылыгы ылааччыга тиэрдиини, атыылаһыллыбыты тиэрдэн биэриини киллэрбэккэ туран), атракционнар, ону сэргэ оҕолор оонньуур хосторо, оҕолору оонньотор-аралдьытар кииннэр үлэлэрэ тохтотуллан эриэхтэрэ.
2022 с. тохсунньу 21 күнүгэр тахсыбыт 2277 №-дээх «О дополнительных ограничительных мерах по обеспечению санитарно-эпидемиологического благополучия населения в городском округе «город Якутск» в связи с распространением новой коронавирусной инфекции (COVID-19)» ыйаах тиэкиһин сиһилии манна көрүөххүтүн сөп.

СӨ Ил Дархан уонна Бырабыыталыстыба пресс-сулууспата

СИА хаартыскаҕа түһэриитэ

+1
0
+1
0
+1
0
+1
0
+1
0
+1
0
+1
0